TPMs

ប្រព័ន្ធត្រួតពិនិត្យសំពាធខ្យល់កង់

---

Tire Pressure Monitoring System (TPMS) Battery Information

 

ប្រព័ន្ធគ្រប់គ្រងសំពាធខ្យល់កង់ (Tyre Pressure Motoring System (TPMs)) បង្កើតឡើង ដើម្បីស្ទុងមើលការបាត់ខ្យល់ក្នុងសំបកកង់ផង និងរំឭកអ្នកបរឡាន ។

សញ្ញារំឭក (warning signal) របស់ប្រព័ន្ធគ្រប់គ្រងសំពាធខ្យល់កង់ ត្រូវតែភ្លឺនៅលើផ្ទៃតាប្លូ (instrument cluster) ក្នុងរយៈពេល 10 នាទី ប្រសិនបើសំពាធដំណើរការក្នុងសំបកកង់ ធ្លាក់អស់ 20% ។ ប៉ុន្តែរថយន្តសេរ៊ីចាស់ៗជាច្រើនមិនបានបំពាក់ប្រពន្ធ័ TPMs ដើម្បីត្រួត ពិនិត្យសំពាធខ្យល់កង់ទេ ។

ដូចគ្នាដែរ សញ្ញារំឭកត្រូវតែភ្លឺឡើងប្រសិនបើសំពាធកង់ឡានធ្លាក់ចុះជាអប្បបរិមាណ 150 kPA (1.5 bar) ។ បើមានកំហុសនៅក្នុងប្រព័ន្ធគ្រប់គ្រងសំពាធសំបកកង់ ភ្លើងរំឭក នឹងភ្លឺភ្លឹបភ្លែតពេលកុងតាក់ឡានត្រូវបានបើក ។

Tyre pressure warning light

 

ប្រភេទនៃប្រព័ន្ធគ្រប់គ្រងសំពាធខ្យល់កង់ដែលប្រើក្នុងរថយន្ត

ប្រពន្ធ័ TPMs មាន 2 ប្រភេទដូចជា ៖

• ប្រពន្ធ័វាស់សំពាធមិនផ្ទាល់ (indirect measuring system)
• ប្រពន្ធ័វាស់សំពាធផ្ទាល់ (direct measuring system)

1. ប្រពន្ធ័វាស់សំពាធមិនផ្ទាល់ (indirect measuring system)

ពេលសំពោធបាត់ នៅពេលរថយន្តបរ បរិវេណរង្វិលរបស់សំបកកង់ (rolling circumference) ដែលបង្កើនល្បឿនម៉ាស៊ីន (engine speed) ជាប់ទាក់ទង នឹងសំបកកង់ ទាំងអស់ ត្រូវកាត់បន្ថយ ។ ករណីនេះល្បឿនម៉ាស៊ីនត្រូវបានកំណត់តាមរយៈ សែនស័រ ABS (Anti-lock Braking System) និង ESP (Electronic Stability Program) ។ ដូច្នេះកុំព្យូទ័រឡាន (PCM) អាចយកពត៌មានពី ABS និង ESP ដើម្បីគណនា ឬទទួលដឹង សំពាធខ្យល់កង់ រួចទើបឲ្យសញ្ញាទៅអ្នកបរឡាន ជាភ្លើងសញ្ញានៅលើ ផ្ទៃតាប្លូឡាន ។   ប្រពន្ធ័វាស់សំពាធមិនផ្ទាល់ គ្មានការរំឭកអ្នកបររហូតដល់មាន ភាពខុសគ្នា នៃសំពាធខ្យល់ ច្រើនជាង 30 % ចំណោមកង់ឡានទាំងអស់ ។

2. ប្រពន្ធ័វាស់សំពាធផ្ទាល់ (direct measuring system)

សំពាធខ្យល់កង់ត្រូវបានវាស់ដោយញ្ញាណករផ្ទាល់ (directly by sensors) ក្នុងសំបកកង់ ។ ញ្ញាណករ ឬសែនស័រកង់មានមុខងារដូចជា ៖

• សែនស័រ (sensor) អាចត្រួតពិនិត្យសម្ពាធខ្យល់កង់ខណៈពេលកំពុងបើកបរ និងនៅពេលឡាននៅស្ងៀម
• អ្នកបរត្រូវបានរំឭកជាមុន ក្នុងហេតុការណ៍ដែលសំពាធបាត់ ថយ ឬបែកកង់
• សែនស័រ (sensor) អាចតាមដានកង់មួយៗដោយស្វ័យប្រវត្តិ

លំនាំវិភាគរោគវិនិច្ឆ័យសម្រាប់ប្រព័ន្ធត្រួតពិនិត្យសំពាធខ្យល់ TPMs និងសមាសធាតុ ផ្សេងៗនៅក្នុងរថយន្តមានដូចជា ៖

• កង់ឡានមួយត្រូវបំពាក់ ញ្ញាណករ ឬសែនស័រមួយ
• អង់តែនសម្រាប់គ្រប់គ្រងសំពាធខ្យល់កង់
• ការបង្ហាញលើផ្ទៃតាប្លូឡាន
• ម៉ូឌុលអគ្គិសនីសំរាប់គ្រប់គ្រងពត៌មានសំពាធខ្យល់កង់
• កុងតាក់ជ្រើសមុខងារ (function selector switches)
• ភ្លើងសញ្ញា ។

Tyre pressure sensor and antenna

 

សែនស័រសំពាធខ្យល់កង់ (Tyre Pressure Sensor)

ញាណករនេះដាក់រនុក (bolted) ភ្ជាប់ទៅនឹងសន្ទះស៊ូប៉ាប់កង់ឡាន (valve) និងអាច ប្រើប្រាស់ឡើងវិញពេលប្ដូរសំបកកង់ ឬថាសកង់ថ្មី ។ នៅក្នុងប្រពន្ធ័ TPMs មានឧបករណ៍មួយចំនួន ដូចជា ញ្ញាណករសីតុណ្ហភាព (temperature sensor), អង់តែនបញ្ជូនសញ្ញា (antennas) និងប្រពន្ធ័បញ្ជាអេឡិចត្រូនិច (controls electronic) ត្រូវបានដើរដោយថាមពលអគ្គិសនី (ថ្មនាឡិការ) ដែលវាអាចមានអាយុកាល ប្រើប្រាស់ប្រហែល 7 ឆ្នាំ ។

TPMs’s Battery

កម្រិតពេញរបស់សំពាធកង់ប្រែប្រួលតាមឥទ្ធិពលសីតុណ្ហភាព សំពាធ និងសីតុណ្ហភាព ដែលផ្ដិតជាប់ក្នុងប្រពន្ធ័បញ្ជាអេឡិចត្រូនិចរបស់វា (Electronic Control Unit [ECU]) ត្រូវបានកំណត់សីតុណ្ហភាពតាមបទដ្ឋាន 20 °C ។

ណែនាំ ៖ ដើម្បីជៀសវាងការធ្វើឲ្យខូចសែនស័រ (sensors) ដែលអាចកើតមានឡើង នៅពេលប្ដូរសំបកកង់ អ្នកបច្ចេកទេសត្រូវតែប្រុងប្រយត្ន័ នៅពេលប្រើប្រាស់ ម៉ាស៊ីនដោះថាសកង់ (wheel rim removing machine)។

សូមចុចលើរូបភាពមានប្រធានបទណាមួយខាងក្រោម ដែលអ្នកចង់ស្វែងយល់បន្ត អំពីថាសកង់ និងការថ្លឹងថាសកង់ ជាមួយអត្ថបទរបស់ Autodoc – Cambodia !

ស្វែងយល់អំពីបច្ចេកទេសមើលថាសកង់ឡាន (Wheel Rim)

ម៉ាស៊ីនថ្លឹងថាសកង់ (wheel balancing machine)

 

---

Textbook by EUROPA LEHRMITTEL, Modern Automotive Technology
The German Edition was Written by Technical Instructor, Engineers and Technicians
Prepared by Tiv Dararith, Mechanical Engineer at Institute of Technology of Cambodia